Les mots surlignés font l'objet d'une note
1Reçue à Grenoble, le 06 mars 1573. Répondue le 07 mars 1573.
2Monsieur, j’ay grand regret que par ceste lettre il faillie que je vous
3discours de mesdits petis affères particulliers, et que je vous face entendre
4l’ingratitude de ceulx d’Ambrun en mon endroict, lesquelz ont faict ung
5semblable traict envers mes gens qui firent envers le vent, et ce au
6l’aultre par lesquelz ladite cour avoyt ordonné que neul ne s’est à venir
8prandre l’aumosne en ma maison s’il n’estoit pouvre ou mendient. Voiant
9que les riches et personnes aysez y accoroit et desfraudoit les povres
10et pour mieux establir lesditz reiglementz, la cour avoit enjoinct
11aux consulz d’assister à ladite aulmosne, ce qu’ilz ont mesprisé comme il
12vous plairra veoir par la lettre cy joincte, et au contraire ilz ont susicté
13ses mutins, qui me faict vous supplier très humblement monsieur de
14voloir escrire ung mot à monsieur le vibaly d’Ambrun pour en informer
15dilligemment, attendu qu’il s’agist du mespris de l’authorité du roy et de
16sa justice ; et de l’usurpation des biens des povres et d’une indignité
17en mon endroit, laquelle je sens monsieur d’autanplus que je ne
18leur ay jamays usé que d’office tel que je doibz, ny ayant espargné
19garder, et sy ce n’estoit l’honneur de Dieu qui me commande plus que la
21passion que j’en sens, je n’y mectrois jamays le pied, mays je ne veux
22laisser pour quelques mescognoissance et ingras de faire mon debvoir. Or
23monsieur, je vous en parle ainsy ouvertement parce qu’il me semble que je
24suys solagé de la moytié de ma peyne en vous faisant entendre mon
25juste dueil, et pour ne vous ennuier davantaige de ceste facheuse
26lettre je ferey fin à icelle après avoyr prié Dieu,
27monsieur qu’il vous doint en très bonne sancté, longue et très heureuse vie, de Baiard
28le Ve de mars 1573
29Je vous pris monsieur que messieurs le president et de
30Grenoble ^ [^ voient ceste lettre] qui peult estre ilz treuveront aussy nouvelle que
31moy
32Votre très humble allié et serviteur
33G. Davanson A[rcheveque] d’Ambrun